<b>Dateisysteem nich versteken</b>
<p>
Disse Optschoon buut op de "No hide"-Optschoon vun IRIX-NFS. Wenn en Server twee Dateisystemen freegifft, vun de een op dat annere inhangt is, mutt en Client normaal all beed inhangen, wenn he op dat ünnerornte Systeem togriepen will. Wenn he bloots dat överornte inhangt, süht he bloots en leddig Orner, woneem dat annere Systeem inhangt is: dat Dateisysteem is "versteken".
</p>
<p>
Wenn Du disse Optschoon för en Dateisysteem anmaakst, is dat nich versteken - en Client mit de richtigen Verlöven kann vun dat överornte Dateisysteem na dat ünnerornte wesseln, ahn dor wat vun to marken.
</p>
<p>
Nich all NFS-Clients köönt dor goot mit üm, wiel dat denn t.B. mööglich is, dat binnen een Dateisysteem (as wat dat jo utsüht) twee Dateien de sülvige inode-Nummer hebbt.
</p>
<p>
De Optschoon funkscheneert opstunns bloots för Enkel-Reekner-Freegaven. Op de Funkschoon is keen Verlaat, wenn De Freegaav över Nettkoppeln, IP-Nettmasken oder Platzhollers angeven is.
</p>
<p>
Disse Optschoon kann wiss bruukbor wesen, man Du muttst ehr mit Acht bruken un ok bloots denn, wenn de Client dor seker mit torecht kummt.
</p>
